Ishami ry’ubuvuzi rya Kaminuza Nkuru y’ u Rwanda ngo rigiye guhinduka Kaminuza ukwayo. Ibi ni ibyatangajwe na Minisitiri w’ubuzima Dr. Richard Sezibera mu kiganiro yagiranye n’abanyeshuri, abakozi n’abayobozi b’ishami ry’ubuvuzi muri Kaminuza nkuru y’ u Rwanda. Iyi kaminuza nshya ngo izaba yitwa Kaminuza y’u Rwanda y’ubuvuzi n’ubuzima ( Rwanda University of Medicine and Health Sciences), icyicaro cyayo kikazaba kiri i Kigali mu bitaro byitiriwe umwami Faycal. Nk’uko Minisitiri Richard Sezibera yabitangaje ngo guverinoma y’u Rwanda yafashe gahunda yo gukora Kaminuza yigenga y’ubuvuzi n’ubuzima kugira ngo abanyeshuri biga ishami ry’ubuganga barusheho kwitabwaho, kubona abarimu n’ibikoresho bihagije bityo babashe gusohoka bafite ubumenyi bukenewe mu mirimo baba bategerejweho. Kaminuza nkuru y’u Rwanda, Minisiteri y’ubuzima na minisiteri y’uburezi byarangje kugirana amasezerano ku bijyanye n’iyo Kaminuza y’ubuvuzi, naho itegeko rizagenga iyo Kaminuza ryarangiye gutegurwa rikaba rikiri mu nteko kugira ngo rihabwe ubugorora ngingo. Nubwo iri tegeko ritarasohoka, iyi Kaminuza y’ubuvuzi n’ubuzima iteganijwe gutangira ku itariki ya 01 Nyakanga uyu mwaka. Patrick Cyamanywa, umuyobozi w’ishami ry’ubuvuzi muri Kaminuza nkuru y’ u Rwanda atangaza ko Kaminuza yigenga y’ubuvuzi izatuma ishami ry’ubuvuzi rirushaho kugira ingufu mu nzego zose, kuko mu gihe ryari rikiri ishami rya Kaminuza nkuru y’u Rwanda ryasangiraga ubushobozi n’ayandi mashami ari muri Kaminuza bigatuma rigira ubushobozi buke. Iyi Kaminuza y’ubuvuzi n’ubuzima ngo izoroshya ikibazo cyo kubona abarimu kuko inzobere zose mu buvuzi ziri mu bitaro bitandukanye byo mu Rwanda zarangije kumvikana na Minisiteri y’ubuzima ko zizajya zitanga amasomo muri iyo Kaminuza zitagombye guhabwa indi mishahara ahubwo bigafatwa mu kazi gasanzwe. Fidèle Rubagumya uhagarariye abanyeshuri basanzwe biga mu ishami ry’ubuvuzi muri Kaminuza nkuru y’u Rwanda avuga ko abanyeshuri na bo basanga iyi Kaminuza y’ubuvuzi n’ubuzima nitangira bazarushaho kwiga neza kuko bazaba bari mu kigo cyihariye. Cyakora abanyeshuri bo mu myaka isoza bo bafite impungenge ko impamayabumenyi bazahabwa zitazaba zifite agaciro ku rwego mpuzamahanga gahwanye n’ak’impamyabumenyi Kaminuza nkuru y’u Rwanda itanga, kuko ngo bazaba barangirije muri Kaminuza nshya itaramenyekana ku rwego mpuzamahanga. Ishami ry’ubuganga muri Kaminuza nkuru y’u Rwanda rigizwe n’udushami dutatu aritwo, ubuvuzi rusange (General Medicine), Ishami ry’ibijyanye n’imiti (Pharmacy), n’ubuvuzi bwo mu mutwe (Clinical Psychology Ayo mashami yose azimurirwa muri Kaminuza nshya y’ubuvuzi n’ubuzima izaba ikorera i Kigali n’i Butare mu ntangiriro, mu gihe hagishakishwa amacumbi n’ibindi bikorwa remezo bikenewe kugira ngo abanyeshuri bose bimurirwe i Kigali.

1. Umukobwa ukora akazi ko mu rugo yakurikiranye mu ibanga ikiganiro shebuja yagiranaga n’umukunzi we kuri telefoni. Nyamukobwa si ukubanda amatwi sinakubwira. Asezera umukunzi we yumva shebuje agize ati ‘’bye my sweet heart’’ bivuga ngo ‘’urabeho buryohe bw’umutima wanjye."

Ubwo umukozi arita mu gutwi, ariko kuba atazi Icyongereza yitiranya amagambo. Nuko nawe abatura telepofoni ahita ahamagara umukunzi we nawe. Amusezera agira ati ‘’ bye bye, my sim card’’. Ntimumbaze uko umukunzi we yabyakiriye.

2. Umunsi umwe mu gihugu gishishikariza abantu kubyara abana benshi (hamwe ubyara bakaguhemba kubera ko bafite abaturage bake cyangwa bashaje/ population vielle) hari hateguwe gahunda yo guhemba umuryango (family) waba ufite abana 14.

Ni uko hakaba umjuryango imwe yari ifite abana 13, umugabo amaze kumva iryo tangazo yibuka ko yari yarabyaye umwana hanze niko kwegera umugore we amusobanurira yitonze ko yari yarabimuhishe ariko ko byaba byiza agiye kuzana uwo mwana kugira ngo babashe kwegukana ibyo bihembo byari byateganyijwe dore ko byari binatubutse.

Umugore aramwemerera umugabo anyarukira kuzana wa mwana ; akimugeza imuhira ariko, ngo ajye kureba asanga mu rugo hasigaye abana 2 gusa, niko guhita abaza umugore ati "Abandi bana ubatumye he ko ubona amasaha y’irushanwa yegereje ?” Nyamugore niko kumusubiza ati "Burya wabaye ukiva hano ugiye gushaka uwo mwana wawe, ba bana bandi nabo ba se baba basesekaye hano baje kubatwara ngo babajyane mu irushanwa."

Umugabo arumirwa ! (Ubwo yari azi ko yahishe umugore we ko yabyaye umwana umwe hanze, umugore we yari yaramuhishe ko muri 13 yibwira ko babyaranye 11 muri bo atari abe).