KIZITO NA MISS JOJO

Miss Jojo na Kizito Mihigo barahakana ibivugwa ku rukundo rwaba ruri hagati yabo rwihishwa.

Miss Jojo na Kizito Mihigo ni abahanzi bombi  b’abanyarwanda bamaze kubaka izina hano mu Rwanda ndetse no hanze yarwo,ndetse aba bombi bakaba bafatwa nka bamwe mu bahanzi bakomeye u Rwanda rufite bitewe n’ibihembo bitandukanye bagenda begukana yaba ibivuye hanze cyangwa se mu Rwanda.

Kuri ubu rero ikimaze iminsi kivugwa ngo ni uko aba bombi baba bakundana ariko rwihishwa,ibi bikaba byaratangiwe kuvugwa bitewe no guhura kwa Miss Jojo na Kizito hirya no hino muri Kigali nko mu ma Hotel n’ahandi.

Gusa ibi Miss Jojo na Kizito bombi ntibabikozwa dore ko babihakana bivuye inyuma bavuga ko guhura kwabo bidasobanuye ko bari mu rukundo,bakongeraho ko bahuzwa n’akazi k’ubuhanzi bombi basangiye.

Tubibutse ko ibi bije nyuma y’aho Miss Jojo amaze amezi make atandukanye n’umukunzi we Saleh dore ko batandukanye mu kwa Cyenda umwaka ushize.